Hon er omma mín

Orð og lag: Steintór Rasmussen
Sangur og kór: Jógvan Hansen

Ommur siga søgur bjóða børnum bomm
Mín snakkar mest um Harly Davisson
Á síni motorsúkklu buldrar hon framvið
Og børnini tey siga hon er onki ommulig
:Men hon er omma mín:

Gamlir menn teir tosa um útróður og jørð
Abbi mín keypti sær trummusett í fjør
Eisini ein gittar hann smíða vil eitt hitt
Og børnini tey siga tað er onki abbaligt
:Men hann er abbi mín:

Mammur vaska klæðir og baka onkuntíð
Tá vit sparka fótbólt mamma vil uppí
Hon rópar og hon skumpar er nokso ógvuslig
Og børnini tey siga hon er onki mammulig
:Men hon er mamma mín:

Nógvir pápar fiska, pápi byggir um
Kjallarin skal verða eitt akvarium
gongur millum krabbar fluguskáp og blikk
Og børnini tey siga tað er onki pápaligt
:Men hann er pápi mín: